Jæja

Jæja loksins er ég komin heim úr lotunni og byrjuð á fullu í verknáminu:0)
Lotan fyrir sunnan var strembin og mikið að gera, svo ekki stóð maður í heimsóknum!
Steinlá alltaf eftir daginn ZZZZ Lærði margt og mikið! Hafði það reglulega gott eins og alltaf hjá familíunni minni í Garðabænum.Mætti svo beint í vinnuna um helgina og var orðin frekar rislá í gærkvöldi.
Við Margrét áttum fund með leiðbeinandanum okkar honum Þórði á Barnaspítala Hringsins og mér leist mjög vel á hann og tillögur hans í sambandi við lokaverkefnið enda mjög alhyglisvert allt saman:0) Fengum líka að skoða Vökudeildina sem var einstök upplifun að sjá allar þessar ofurlitlu manneskjur, algjör kraftaverk!!!!
Nú sit ég og reyni að virkja kvarnirnar og skrifa eitthvað gáfulegt en það gengur svona og svona! Ég er að rembast við að tengja fræðin við það sem ég er að gera í verknáminu:0)
En að öðru.Okkur skötuhjúunum langar virkilega að skreppa á Litlu hryllingsbúðina í páskafríinu og erum að reyna að smala einhverjum með okkur, sem að ég vona að takist. Það væri t.d. frábært að fara líka út að borða er það ekki? Endilega látið vita ef þið hafið áhuga!
Bless í bili Arna

Ein sæt!

Föstudagur!

Jæja kominn föstudagur og vinnutörn að byrja hjá mér. Búið að vera mikið að gera alla vikuna. Ég er að vinna að verkefninu mínu svo að ég verði tilbúin með markmiðin mín þegar ég fer að kynna þau í skólanum, en þau snúa að kynfræðslu fatlaðra.Það er alltaf gaman að kynnast nýju fólki og nýjum hlutum og það hef ég einmitt verið að gera að undanförnu . Við Margrét mín erum svo að byrja að undirbúa lokaverkefnið okkar sem snýr að þroska fyrirbura sem er mjög spennandi viðfangsefni. Erum að byrja að lesa okkur til og hittum svo leiðbeinandann okkar í næstu lotu hann doktor Þórð :0)Hann vill allt fyrir okkur gera þessi maður, já það eru til ýmsir gullmolar.
Ég verð náttúrulega hjá "familíunni" minni í Garðabænum sem hefur alltaf herbergi og hjartarúm fyrir mig.
það er Húllumhæ hjá Húsasmiðjunni og kallinn hefur verið á fullu í undirbúningi þessi elska, prenta út söngbækur og glugga í bókina Samkvæmisleikir! Þetta verður eflaust mikið fjör og gaman. Hann er góður í svona partýundirbúningi þessi elska, kannski ætti ég að fara að leigja hann út!haha Ég verð samt fjarri góðu gamni verð í vinnunni en næ kannski aðeins í rassinn á teitinu;0)
Við Júlía erum að spila veiðimann milli þess að ég skrifa eitthvað gáfulegt og sinni húsverkum, ja það er ekki hægt að segja annað en maður sé fjölhæfur einstaklingur!!!
Húsdýrin eru fjörug þennan morguninn, það er blaðrað og þvaðrað í bláa búrinu og Nemó er í klifurgírnum og hendir lokinu hvað eftir annað af búrinu sínu og svo stendur hann aldeilis ánægður með sig með hausinn upp úr gatinu, fremur spaugilegur.
Jæja nóg komið af blaðri. Vonandi eiga allir góða helgi:0)

Set hér inn dálítið sem gott er að hafa hugfast í lífsins ólgusjó!

Guð, gefi mér æðruleysi,
til að sætta mig við það sem ég fæ ekki breytt,
kjark, til að breyta því sem ég get breytt
og vit til að greina þar á milli.

Knús og kram til ykkar
Arna